Die genealogie van die Du Plooy familie in Suid-Afrika, begin volgens De Villiers/Pama met Symon Plooijer (andersins bekend as Simon du Plooy), van Krommenie in Noord-Holland, oorlede 1733. Hy was in sy eerste huwelik getroud met Adriaantje, (ouers onbekend) en trou daarna met Catharina Koopman, ouers ook onbekend.

4.  Symon Pieterszoon PLOIJER, of
     Simon Pieters DU PLOOY

Hy is gedoop te Krommenie op 29 Augustus 1666. Hy trou op 22.9.1715 met Catharina Koopman, sy tweede vrou en ons voormoeder. Hy was toe reeds 'n man van 49. Van Catharina weet ons niks meer as haar naam en dat sy die moeder was van vyf kinders by Simon du Plooy.

DeVilliers/Pama meld as Simon se oudste kind 'n seun, Pieter Simon.  Geen datums word vermeld nie. Hierdie Pieter was waarskynlik die seun van Adriaantje, Simon se eerste vrou, want die tweede kind, Willem, is gedoop op 5 Januarie 1716, vier maande na die huwelik met Catharina.

DeVilliers se "Geslachtregsiters van de Oude Kaapse Familiën"  meld Simon se kinders as volg:

5. Cornelis DU PLOOY: gedoop 1 Februarie 1744. Hy was 'n burger te Stellenbosch en trou op 17 April 1768 met Margaretha WILLEMSE.

Sy tweede vrou was Anna Sophia CAMPHER, met wie hy 24 Augustus 1788 getroud is, toe sy negentien jaar oud was.

Cornelis DU PLOOY het 19 kinders gehad, agt by sy eerste vrou, Margaretha, en elf by Anna Sophia CAMPHER.

Cornelis se negende kind en Anna Sophia se oudste, was ons voorvader:

6. Dirk Wouter DU PLOOY: gedoop 6 Desember 1789 te Swellendam. Hy het gewoon op Uitkyk, in die Gamka distrik van Beaufort. Hy was 'n Voortrekker en het waarskynlik in Julie 1837 saam met die geselskap van Jacob de Klerk vetrek. Hy het aan die Slag van Bloedrivier deelgeneem, en vestig hom later in die Hopetown Distrik, waar hy op 27 Oktober 1868 oorlede is op die plaas Maartenspan.                                                  (Bron:J.C. Visagie: Voortrekker Stamouers, bls 62)

Dirk Wouter was getroud met Catharina Susanna ROUX, 'n dogter van Pieter Hendrik ROUX and Elizabeth STEENBERG. Sy was gebore 31 Julie 1796 in Tulbagh, en sterf op Maartenspan, Hopetown, op 23 Oktober 1868, net vier dae voor haar man. (Hoekom? Wat het gebeur? Hoekom is hulle so kort na mekaar dood?)

Dirk Wouter en Catharina het vier kinders gehad: 

1. Cornelis Willem, geb. 21 Desember 1813, Beaufort-Wes (ons voorvader)

2. Pieter Hendrik Rudolf, geb. 5 Desember 1816, Beaufort-Wes

3. Catharina Susanna Petronella, geb. 28 Jan 1821, Beaufort-Wes

4. Willem Andries, geb. 22 Feb 1823, Beaufort-Wes

7. Cornelis Willem DU PLOOY:  was gebore 21 December 1813
in Beaufort-Wes, en is op 13 Feb 1814 te Graaff-Reinet gedoop. 

Hy is op 3 Februarie 1837, toe hy 24 jaar oud was, as provinsionele veldkornet van die wyk Gamka aangestel. Toe hy kort daarna van die aanstelling verwittig is, het hy onmiddelik geantwoord dat hy dit nie kan aanvaar nie omdat hy die Kolonie gaan verlaat. Hy het dan ook in Julie 1837 getrek, in die trekgeselskap Jacob de Klerk. Hy was waarskynlik die "Willem du Plooy" wat die slag van Bloedrivier meegemaak het.          (Voortrekker Stamouers - J C Visagie, bladsy 61.)

Hy is op 3 Julie 1837 te Beaufort-Wes getroud met Johanna Marguerite Jacoba Susara NEL, gebore 13 Desember 1820: 'n dogter van Jacobus Frederick NEL and Maria Johanna WILKERS. Die bruid was 17 jaar oud.  

Hy is oorlede op 2 Junie 1881 te Maartenspan, Hopetown, in die ouderdom van 68 jaar.

Cornelis Willem DU PLOOY en Johanna M.J.S. NEL het elf kinders gehad: ses seuns en vyf dogters. Die derde kind en tweede seun, Jacobus Frederick, is ons voorvader.

8. Jacobus Frederick DU PLOOY: gebore 29 Julie 1843, en gedoop 2 Oktober 1843 te Colesberg. Hy is getroud met Cornelia Carolina DU PRE. Hulle kinders was

1. Cornelis Willem gebore ongeveer 1870 te Hopetown.

2. Jacobus Frederick

3. Rudolph

Dis moontlik dat daar meer kinders was, maar dis al waarvan ons weet.

Cornelis Willem is ons Oupa Neels wat met Ouma Annie de Villiers getroud was.